بہار اسٹیٹ اردو ٹیچر س اسوسی ایشن فروغ اردو کےلئے پابند عہد

 

بہار اسٹیٹ اردو ٹیچر س اسوسی ایشن فروغ اردو کےلئے پابند عہد 

اسوسی ایشن کے نائب صدر ظہور عالم نے کہا کہ اساتذہ اپنے۔اپنے حلقہ میں جمعہ کے دن مسجدوں کے توسط سے عوام کو بھی اردو زبان کی اہمیت و افادیت روشناس کرائیں   

آج مورخہ 24/دسمبر2020ء بروز جمعرات کو گورنمنٹ اردو مڈل اسکول منشا ٹولہ، مغربی چمپارن، بتیا کے احاطے میں بہار اسٹیٹ اردو ٹیچرس ایسوسی ایشن،ضلع اکائی مغربی چمپارن کی ایک اہم نشست تنظیم کے صوبائی سکریٹری و ضلع صدر محمد فیروز عالم کی صدارت میں منعقد ہوئی۔ جس میں درج ذیل فیصلے لئے گئے:-

 ✳️ ہر سال 10 جنوری کو (جناب غلام سرور صاحب کی  یوم ولادت کے موقع پر) ایسوسی کے زیر اہتمام  یومِ اردو منایا جائے گا۔

 

✳️ 14جنوری 2021 کو نرکٹیاگنج سب ڈویژن کے اردو اساتذہ کی ایک اہم نشست ہوگی ۔جسمیں اردو اساتذہ کے علاوہ مدرسہ ٹیچر و پرائویٹ اسکول کے اردو ٹیچرز بھی مدعو ہونگے۔

 ✳️ ایسوسی ایشن کے اراکین اسکول در اسکول وزٹ کر اردو اساتذہ کے سامنے تنظیم کی اہمیت و افادیت اور اب تک کی کارکردگی پیش کریں گے۔تاکہ ایک ایک اردو معلم کو تنظیم سے جوڑا جا سکے۔

✳️ اسکول کا نام ہندی کے ساتھ ساتھ اردو میں بھی ہر حال میں لکھوانے کی بھرپور کوشش کی جائے گی۔ 

✳️ 'اردو اساتذہ فلاحی شعبہ' قائم کیا جائگا۔ جوکہ مصیبت زدہ اساتذہ کےلئے فوری راحت پیکیج کا بندوبست کرے گا۔

✳️ سابق ضلع سکریٹری جناب طارق صاحب کے مستعفی عہدے پرجناب خالد انور کو کارگزار ضلع سکریٹری کی حیثیت سے نامزد کیا گیا۔

✳️ جناب جسیم الدین انصاری صاحب کی تنظیم میں واپسی پر انکا استقبال کرتے پھر سے انہیں ترجمان کے عہدے پر فائز کیا گیا۔

اس نشست میں جناب سید محمد اشفاق احمد فریدی،نائب صدر ظہور عالم  جسیم الدین انصاری، امتیاز احمد محمد خالد، منصور عالم آلوک رنجن رحمت اللہ محمد جاوید اختر، محمد الیاس مظہر عالم  ارمان علی   حبیب اللہ نائب صدر علی اختر  عبدالوہاب نائب صدر محترمہ روزی خاتون فیروز عالم بگہاں افروز عالم  نوشاد عالم محمد مشتاق ساجد وغیرہ شامل تھے۔

         محمد فیروز عالم

 صوبائی سکریٹری و ضلع صدر 

 بہار اسٹیٹ اردو ٹیچر س اسوسی ایشن،مغربی چمپارن،بتیا